Sabtu, 30 Agustus 2008

Tatukar Iwak Kapar


hari ini ma unjun pina kada tapi rami eih..., haaaahhh umpan sudah tatukar-tukar, iwak kada tapian mamatuk, kodok pina balarang saikungnya, mamair asa kada tapian ba ulihi, napa lagi maka sudah ditangah padang, pina asa muyak pang bajuuk kasitu kamari mancari pilawa nang pina banyak iwak mamatuk. kikira leh iwaknya handak puasa an jua saku ai. bisa ai tu lah?
baisukan tadi unda wan kawan tulak ka wadah cumie,di taruna praja III pas di toko panjualan pulsa elektrik, masuk ai kasitu, kawan unda ja pang manukar unda kada, di padahakan kawan unda ai salam lah wan a1ddi lawan nang manjuali tieh. ada ai a1ddinya jar inya guring bis bagawian jar..imbah itu bulikan nai kami badua bajuuk lalu maunjun..hehehe..rancana handak mambawai inya ma unjun eihhh.... sakalinya guring bantrik. kada jadi ai.
bulikan ma unjun. kada jadi napa-napa paksaai batukar iwak kapar nang sigar wan urang kampung. murah pang pada di pasar...hehehe...nang panting bulik mambawa iwak ya kalo biar kada ba ulihi ma unjun tapi ba ulih manukar hahahaha... biar kada supan wan urang rumah.., han kaya itu pang gawian mambunguli urang dirumah, kasian nang dirumah kana gatah manyiangi iwak tukaran. tapi urang rumah himung haja makan ba iwak jua surang nyaman ai mangitik mahadangi nang masaknya...sisanya gasan saur malam nang panambaian puasa bulan niti...huk...huk...huk asa katulangan kapar nah...

salam gasan bubuhan balogger kita.....123 sahuuuuuuuuuuuuuuuuuuuuuurrrrr sahhhuuuuuur3x
salamat manunai akan ibadah puasa dihari yang panambaiyan ini.

apa habar balogger kita?

3 komentar:

  1. adoooooooh... maap banar bos'ai!! uma ih rasa manyasal nah guring ulun. maka pacang bejalanan, ma unjun ha pulang. aiiiiih.. nyata rami nih.
    timbul kadada kulihan am leeh, pasti gara2 kada tebawa sorang tu wakakakaka.. sabtu / minggu kaina pulang maunjun mun kada buka puasa bersama. rami banar am...

    BalasHapus
  2. han yat...ditinggal urang sakalinya nyawa, tp buhannya kada bapakuleh jar maunjun sakalinya manukar

    BalasHapus
  3. bila juakah membawai bejalan pulang yuk..

    BalasHapus

isi i haja sakahandak ikam