Rabu, 08 Juli 2009

Magin Ba Kuler



Asa pina lawas pang nah kada manjanguki lokasi, kayapa juakah iwaknya, karing jua kah sudah banyu, rami juakah lagi ma unjun wayah ini?
Asa kuler jua pang handak tulak-tulak manca-cari lokasi nang pina patut di datangi.
Maka musim panas ini, pina rahat banar pang amun urang mambawa-i tulak ma unjun, tapi lantaran kita kada kawa umpat, paksa-ai kita mandangar habarnya haja dari kakawanan nang pina rahat tulak, asal mandangar habarnya ja gin, asa nyaman sudah kupala. Apalagi urangnya saurang nang tulak ba ju’uk.
Mun manurut kisah bubuhan pa unjunan ti napaang! Di kakaramputinya sapalih gin, hi-ih jua, tapi mbahanu banyak bujurnya jua.
Dasar saurang banarai kada tapian kawa manulaki, itu pungkalanya
Banyak haja pang habar ka habar bahwa ma unjun di anu rami, di anu rami, tapi saurang kada kawa jua tulak, padahal hati handak banar jua manyisit, asa gatal jua tangan nih lawas kada ma ingkuti tantaran, hehehehehe…..
Asa handak mamair ada jua kam, Cuma ya itu tadi, kada kawa ma unjun pas wayahnya bajalanan kawa ja surang survey sambil ba itih itih lokasi nang pina patut di kunjungi kaina…jadi ada harapan kawa di tulaki. Mintu tuh. Ngarannya musim kamarau ni magin batambah kuler handak satulak-tulak, hari pina mambarangat wan manggantang, maka bila saharian bapanas ditangah padang pacangan batikas gulu wan pagalangan tangan, babalang awak gara-gara bapanas.
Mudahan ja saurang ni kada, awak pang sudah hirang badahulu mun dibawa bajamur, pacang jadi latat sabigian awak.
Hinggat sini gin dahulu.

7 komentar:

  1. ada jua kah wadah kita iwak nang ganal kaya di gambar side bar pian mang?? hehehe asa takajut-kajut sorang.. pina mambari takutan ada jua .. heheh

    BalasHapus
  2. Di Puntik (kecamatan Mandastana, barito Kuala) rami maunjun mang ai...

    BalasHapus
  3. Wah..saya paling kada bisa meunjun...! iwaknya kada mau mematuk umpanku..padahal kawan disebelah dapat tarus..!

    BalasHapus
  4. bahasa nya mantab, go Banjar.

    dulu aku rancak maunjun di tengah sungai.asik rancak dapat iwak baung, patin sungai, panting kenduri.di gangan asam nyaman banar.slurpp...

    salam kenal bos lah.:-)

    BalasHapus
  5. di kelayan banyak maunjun lundu.....

    BalasHapus
  6. eoin: jangan takajut wal ai....makadi irigsi banyak tauman.
    zian x fly: rami banar kah di puntik? kacui2 klo?
    aap: kada bisa ma unjun kah mang?
    nasridin anshori: dahulu memang rami mangai...
    rony danuarta: dasar tu mun lundu bahambur dimana2...tahu am lundu nang ba gincu.....

    BalasHapus
  7. badapatan pulang wan amang nang saikung nih, kyapa puasa ni kita bagalaukah di guntung manggis...

    BalasHapus

isi i haja sakahandak ikam